China Copying Famous Brands | Fact and Stories | Copy Cat China | Boycott China | Fact In Hindi

China is said to be the biggest industrial hub of the world but they are found copying Apple, Puma, Adidas, Rolls Royce, Microsoft and many other companies. In this video, I have told all such copied products. Let's us share this video and boycott chinese products.

Written by Shubham Jain
Voice by Anshika Jain
Video Editing By Rakesh Raval

Script:-
Copy Cat China
Friends, Chinese Tech Company Xiaomi par Apple ke devices ko copy karne ke aarop lagte rehte hain. Saal 2018 me Xiaomi ne Mi8 smartphone launch kiya tha, jiski design bilkul Apple ke Iphone X ki tarah dikhti thi. Jab Xiaomi ne apna tablet device Mi Pad launch kiya to uski design bhi kaafi had tak Apple Ipad ki tarah thi. Ab jara ye dekhiye ye hai Chinese Geely GE car, jo bilkul Rolls Royce jaisi lagti hai. Yaha tak to fir bhi theek tha, lekin ab jara ise dekhiye? Ye kya hai? OFC.. ye America ki world famous fast food Restaurant chain KFC ki copy hai.. chalo copy ki to theek lekin KFC ke founder Harland Sanders ki photo ko hataakar Obama ki photo laga di? Ye to matlab gajab beijjati ho gayi. Is video me hum aapko kuch aise hi brands ke baare me bataane waale hain, jinke products ko China ne badi hi besharmi ke saath copy kar liya. To Friends, chaliye shuru karte hain, Fact and Stories ka ye video mere yaani Anshika ke saath.
Friends, Microsoft company ke maalik Bill Gates duniya ke doosre sabse ameer insaan hain aur Microsoft ka Windows operating system duniya bhar ke computers ko chalaata hai. lekin jara ise dekhiye, ye hai MichaelSoft Binbows..China ka apna Microsoft Windows. Ab agar aap ise kisi insaan ke dwaara kiya hua majaak samajh rahe hain, to aapko bata du ki inki apni ek website bhi hai. Waise kya aapko pata hai ki aaj kal Bill Gates ne Cream bhi banaani shuru kar di hai? Vishwas nahi hota to ye dekhiye, ispar aapko Microsoft ke edge browser ka logo saaf-saaf dikh raha hoga.
Aapne Nike ka naam jaroor suna hoga. Ye ek American multinational company hai, jo footwear, clothes aur doosri accessories banaati hai. Nike ke products kaafi mehnge aate hain par agar aap inhe nahi khareed sakte, to aap China ki companies Mike, Hike ya phir Kine ke products bhi khareed sakte hain. Iske alaawa China me Adidas ke liye Abibas aur Puma ki jagah Numa ka bhi replacement hai.
Aise hi agar aap Pizza khaane ke shaukeen hain aur Pizza Hut se bore ho chuke hain, to aap Chinese restaurants jaise ki Pizza Huh, Pizza Hit ya phir Pizza Roof bhi ja sakte hain. Agar aapke bachhe Oreo biscuit khaane ki jid kare aur aap unhe wo na de sake, to aap unke liye Borio biscuit khareed sakte hain. Kitkat ki jagah Kicker ka option bhi mil jaata hai. Yahi nahi China me aapko Superman ki jagah Specialman, Transformers ki jagah Tornsfarmers aur Playstation ki jagah Popstation bhi mil jaaenge.
Friends, kaha jaata hai ki World Famous Chinese E-commerce company Alibaba asal me American E-commerce company Ebay ki nakal hai. Aapko bata du ki Alibaba ke maalik Jack Ma Mukesh Ambani ke baad Asia ke doosre sabse ameer insaan hain. China ne Google ki copy karke Baidu search engine banaaya aur Whatsapp ki copy karke WeChat bana diya. Abhi China me ek naya app aaya hai, jiska naam hai “Super App”. ise Facebook, Instagram, Twitter aur Whatsapp ko thoda-thoda copy karke banaaya gaya hai. yahi nahi isme updates aur naye features bhi tabhi aate hain, jab ye doosri social media apps par aa chuke hote hain.
China ne American Coffee Shop Chain Starbucks aur Fast Food restaurant Mcdonalds ki copies bhi banaayi hui hain. Inhe Sunbucks aur Mcdnoalds naam diya gaya hai. Ab jara is keypad phone ko dekhiye. Door se dekhne par aapko aisa lagega maano ye Nokia ka hai lekin asal me ye Chinese company Nokla ka hai. Phone ko khareedte samay koi bhi agar jaldbaazi me ho, to wo Nokia aur Nokla me confuse ho sakta hai. China me Sandisk ke copied memory cards Transeend naam ki company banaati hai.
Chaliye ab kuch mahilaao ke liye ho jaae. Abhi aap screen par jin designer purses ko dekh rahe hain, wo China ki Zhejiang Bagpipe company ne banaayi hai. lekin ye saare products asal me Gucci, Chloe aur Prada jaise famous brands ki copy hain. America ke california me shuru hui Esprit company mahilaao ke liye bahut sundar aur branded footwear aur kapde banaati hai. To phir aise me China peeche kaise reh sakti hai? Inhone iski bhi copy bana daali aur iska naam rakh diya Esrrit. America ka ek mashoor brand hai Olay. Bharat me aapne iski skin care cream bikti dekhi hogi. China ne iska bhi apna version bana liya hai aur iska naam Okay rakh diya hai. Agar aap Chasme ke shaukeen hain aur Ray-Ban jaise famous Brands ke chasme nahi khareed paate, to aap chinese brand Ray-Beri ko bhi try kar sakte hain.